Everywhere non grata

Kapin medya-baynte ang edad
Galutaw, wa mahibaw sakong kantidad
Gahinoktok sa puntod, galili sa lasang
Ga puwaw og hinanduraw, di maka tugkad
Sa medya-baynte kong tuig nga kataphaw

Kini kuno alampat, kining akong pagbalak
Samtang sa tinuoray ako gihidlaw gyung dyutay
Batang kapin meda-baynte anyos sa hunahuna
Duna pa kahay mubukhad sa nalaya kong bulak?
Kutob nalang ba sa hangin ko ni ihilak?

Tuod kining introspeksyon nag da gayud og delugyo
Sama sa malinawong adlaw bag-o mag baguio
Ang kakulba ini di mahiluna.
“Hala” “Miabot na ang alaot” sumada diay igo ra milabay.
Mao ra pud sa tao, gangoango og tago
Mura ra diay’g way nahitabo

Huwamon nato ang Aleman nga pesimismo,
Kita kuno gapuyo sa na gadugnot nga lawas sa ginoo
Ang sagrado kuno napan os, wa na’y balor ang santos
Ang pasyon didto ra puniton
Sa higugmang ga uros, sa kalisod, ug sa pag antos.

Pero sa tan aw nako ang paghanaw sa sagrado
Di pa kataposan, di pa ta madehado
Taliwa, kini nga tinuohan mao ang atong kagawasan
Padung sa kinabuhi nga makab ot nato
Ang kinatumyan satong pagkatao

Oo, antos, mag antos ta.
Magtinabangay ta nga
Mangaputol na ang sanga sa mga yawa, nga mapahiyom nato ang gisangla
Aron makuhaan na ang atong antosonon
Nya ari nalang ta sa atong buluhaton og sabtonon

Ako undo, kapin medya-baynte pa lang unta
Nadugta na’g hinunahuna
Galutaw ra man unta ko
Matod pa sa akong banay ug mga amigo.
Basin uroy og sakto sila, basin gayud og wa lang koy ayo.

Ipahunghong ko nalang sa hangin
Padung sa pagkabanag-banag ang gibati’g gihunahuna
Aron ang pagtug ko mahimong mahilom
Ilawm sa habol sa kagabihion.